ឯកឧត្តម កែវ ផុង ជំនួយការ សម្តេចតេជោ នាយករដ្ឋមន្ត្រី និងសប្បុរសជន ជនជាតិកូរ៉េខាងត្បូង បានចុះពិនិត្យ សាលារៀនចាស់ទ្រុតទ្រោមមួយខ្នងមាន បីបន្ទប់ !!!!!

ឯកឧត្តម កែវ ផុង ជំនួយការ សម្តេចតេជោ នាយករដ្ឋមន្ត្រី និងសប្បុរសជន ជនជាតិកូរ៉េខាងត្បូង បានចុះពិនិត្យ សាលារៀនចាស់ទ្រុតទ្រោមមួយខ្នងមាន បីបន្ទប់ !!!!!

ដោយះ លោក ហាប់ ប៊ុនហុង
ចេញផ្សាយថ្ងៃ ព្រហស្បត៍ ៥ កើត ខែ បុស្ស ឆ្នាំ ខាល ចត្វាស័ក ពុទ្ធសករាជ ២៥៦៦ ត្រូវ នឹង ថ្ងៃទី២៦ ខែ មករា ឆ្នាំ២០២៣
ព័ត៌មានជាតិ

ខេត្តបាត់ដំបងះ

ឯកឧត្តម កែវ ផុង ក្នុងនាមជា ជំនួយការ សម្តេចតេជោនាយករដ្ឋមន្ត្រីបានថ្លែងអំណរគុណ ដល់សប្បុរសជន ជនជាតិកូរ៉េខាងត្បូង លោក ហុង និងលោកហ្វា (កូរ៉េ)ដែលបានបរិចាគថវិកាផ្ទាល់ខ្លួនដើម្បីសាងសង់សាលារៀនមួយខ្នងមានបីបន្ទប់ ។តាមរយះ ឯកឧត្តម កែវ ផុង ជំនួយការសម្តេចតេជោ សប្បុរសជន ជនជាតិកូរ៉េ បានចាប់អារម្មណ៍ លើសាលារៀន ដែលមានសភាពទ្រុតទ្រោមមួយខ្នងដែលមានទីតាំងឋិតនៅ ភូមិចុងប្រឡាយ ឃុំតាលោះ ស្រុកមោងឬស្សី ខេត្ត បាត់ដំបង ។

ដោយបានមើលឃើញនូវ សាលារៀនដែលមានសភាពចាស់ទ្រុតទ្រោមមួយខ្នង នេះ នៅថ្ងៃទី ២៥ ខែ មករា ឆ្នាំ ២០២៣ ឯកឧត្តម កែវ ផុង ក្នុងនាមជា ជំនួយការ សម្តេចតេជោនាយករដ្ឋមន្ត្រី បានធ្វើដំណើរ ទៅដល់ ភូមិចុងប្រឡាយ ឃុំតាលោះ ស្រុកមោងឬស្សី ខេត្តបាត់ដំបង ដោយមានការអញ្ចើញអមដំណើរ ពីសប្បុរសជន ជនជាតិកូរ៉េផងដែរ។នៅពេលបានជួបអ្នកសារព័ត៌មានលោកហ្វា បានមានប្រសាសន៍ថាដោយគាត់ស្រលាញ់ចូលចិត្តប្រជាជនខ្មែរ និងក្មេងតូចៗដែរគួរអោយស្រលាញ់ ទោះបីគាត់មិនមែនជាជនជាតិខ្មែរក៏ពិតមែន តែគាត់ ស្រលាញ់ សម្តេចតេជោ ហ៊ុន សែន គាត់ថា សម្តេចតេជោ មានឈ្មោះល្បីល្បាញខ្លាំង ហើយ សម្តេចតេជោ លោកអាចធ្វើជា នាយករដ្ឋមន្ត្រីបានច្រើនអណត្តិដែលមានការគាំទ្រពីប្រជាពលរដ្ឋនិងជា នាយករដ្ឋមន្ត្រីដែលមានការឆ្លាត់វ៉ៃ ខាងដោះស្រាយបញ្ហាជូនប្រជាជនកម្ពុជាបានទាន់ពេលវេលា គ្រប់កាលៈទសៈ ដូចជាការទប់ស្តាត់ចំពោះ ជំងឺរាតត្បាត់កូវីដ១៩បានទាន់ពេលវេលា ជាពិសេសជាងនេះទៅទៀត សម្តេចតេជោ ត្រូវបានពិភពលោកបានផ្តល់ឈ្មោះជូន សម្តេចតេជោ ថា ជាបិតាសន្តិភាពផង។ហើយគាត់បានជូនពរ សម្តេចតេជោនាយករដ្ឋមន្ត្រី អោយមានសុខភាពល្អ និងសូមអោយប្រជាជនកម្ពុជាចូលរួមបោះឆ្នោតជូន សម្តេចតេជោ ហ៊ុន សែន ក្នុងថ្ងៃបោះឆ្នាត់ខាងមុខអោយបានគ្រប់គ្នា ដើម្បីអោយ សម្តេចតេជោ បន្តដឹកនាំប្រទេសកម្ពុជាអោយ រីកចំរើន ជឿនលឿន អោយរឹតតែខ្លាំងឡើង។

ឯកឧត្តម កែវ ផុង ក៍បានថ្លែង អំណរគុណ យ៉ាងជ្រាលជ្រៅជូនចំពោះ លោកហុង និង លោកហ្វា ដែលបានចូលរួម កាត់បន្ថយភាពក្រីក្រ និងបានចូលរួម លើស្ទួយវិស័យអប់រំ ក្រោមការដឹកនាំរបស់
សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ៕

ដោយះ គេហទំព័រ បារមីមានរិទ្ទិលោកយាយយ៉ាត
https:://www.bmy-news.com/