ប្រជាពលរដ្ឋខ្មែរ ដែលធ្វើការនៅថៃ បាន សម្រុកចូលមក កម្ពុជាវិញ បន្ទាប់ពី អាជ្ញាធរថៃបាន សម្រេច បិទច្រកទ្វារព្រំដែន ដោយបារម្ភពីការផ្ទុះឡើងនៃ មេរោគកូវីដ ១៩ !!!!!
ដោយះ លោក យិន សុខា
ចេញផ្សាយថ្ងៃ អាទិត្យ ១៤រោច ខែផល្គុន ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី ២២ ខែមីនា ឆ្នាំ ២០២០
ព័ត៌មានជាតិ
ខេត្តបន្ទាយមានជ័យ:
នៅថ្ងៃអាទិត្យនេះពលរដ្ឋខ្មែរដែលធ្វើកធ្វើការនៅប្រទេសថៃសម្រុកនាំគ្នាចូលមកកម្ពុជាតាមច្រកអន្តរជាតិដូងហៅច្រកឡែម ស្ថិតនៅ ស្រុកកំរៀង ខេត្តបាត់ដំបង និងតាម ច្រកទ្វារ អន្តរជាតិប៉ោយប៉ែត ខេត្ត បន្ទាយមានជ័យ។ដែលមាន ពលរដ្ឋខ្មែរទាំង ប្រុស ស្រី ក្មេងៗ ដ៏ច្រើនបានពាក់ម៉ាស់ ជាមួយនឹងបង្វេចខោអាវ សម្រុកចូលមកកម្ពុជាវិញ បន្ទាប់ពីថៃសម្រេចបិទព្រំដែនដោយបារម្ភពីការផ្ទុះឡើងនៃកូវីដ១៩។
យោងតាមកាសែតបាងកកប៉ុស្តិ៍បានអោយដឹងថានាព្រឹកថ្ងៃអាទិត្យ ទី២២ ខែមីនា ឆ្នាំ ២០២០ នេះខាង ក្រសួងសុខាភិបាលថៃ បានប្រកាសរកឃើញអ្នកឆ្លង Covid-19 ថ្មីចំនួន១៨៨នាក់បន្ថែមទៀត ដែលសរុបទាំងអស់ កើនដល់ ៥៩៩នាក់ ដែលវាគឺជា អត្រាឆ្លងថ្មីប្រចាំ ថ្ងៃខ្ពស់ជាងគេបំផុតនៅ ក្នុងចំនោមប្រទេសអាស៊ីអាគ្នេយ៍។ នេះបើយោងតាម សារព័ត៌មាន bangkokbiznews ដែលបានចុះផ្សាយនៅថ្ងៃទី២៣ ខែមីនា ឆ្នាំ២០២០។លោក តាវីស៊ីន វិស្ណុយោធិន (Taweesin Wisanuyothin) អ្នកនាំពាក្យក្រសួងសុខាភិបាលថៃ បានបញ្ជាក់ថា ករណីថ្មីទាំងអស់ខាងលើ សុទ្ធតែ ជាប់ពាក់ព័ន្ធនឹងករណីឆ្លងមុនៗ រួមមានការទស្សនាកីឡាប្រដាល់ ការជួបជុំនៅកន្លែងកម្សាន្តមួយកន្លែង និងការចូលរួមពិធីជួបជុំសាសនាទ្រង់ទ្រាយធំមួយ នៅក្នុង ប្រទេសម៉ាឡេស៊ី។
បើតាមការប៉ាន់ស្មានជំហ៊ានដំបូងដំបូង យ៉ាងហោចណាស់ពលរដ្ឋខ្មែរប្រមាណជាងរាប់ពាន់នាក់ឬចំនួនលើសនេះបានចេញផុតពីទឹកដីថៃនៅថ្ងៃអាទិត្យនេះ។ សូមជម្រាបជូនថា ក្រៅពីការបិីការបិទច្រកអន្តរជាតិដូងហៅច្រកឡែនិងច្រកទ្វារអន្តរជាតិប៉ោយប៉ែត ច្រកព្រំដែនអន្តរជាតិបីផ្សេងទៀតនៅក្នុងខេត្តឧត្តរមានជ័យ ក៏បានបិទផងដែរ ដើម្បីរួមចំណែកកាត់បន្ថយការឆ្លងមេរោគកូវីដ១៩។ ច្រកព្រំដែនទាំងបីនោះរួមមាន៖ ច្រកទ្វារព្រំដែនជប់គគីរ ស្ថិតក្នុងស្រុកបន្ទាយអំពិល ឈមជាមួយខេត្តបុរីរាំ ច្រកទ្វារអូស្មាច់ ស្ថិតនៅក្រុងសំរោង ឈមជាមួយខេត្តសុរិន្ទ និងចុងក្រោយច្រកព្រំដែនអន្តរជាតិដាំ ស្ថិតក្នុងស្រុកអន្លងវែង ឈមជាមួយខេត្តស៊ីសាកេត៕
ដោយ៖ គេហទំព័រ បារមីមានរិទ្ធិ លោកយាយយ៉ាត
https://www.bmy-news.com/
