ឯកឧត្តមបណ្ឌិត ហ៊ុន ម៉ាណែត៖ ដើម្បីខ្មែរឯករាជ្យ និងម្ចាស់ការ ខ្មែរត្រូវតែរឹងមាំ ខ្លាំង និងមានការឯកភាពជាតិ !!!!
ដោយះ លោក លោក សោ សិលា
ចេញផ្សាយថ្ងៃ សៅរ៍ ៣រោច ខែ អាសាឍ ឆ្នាំ ខាល ចត្វាស័ក ពុទ្ទសករាជ ២៥៦៦ ត្រូវនឹងថ្ងៃទី ១៦ ខែ កក្កដា ឆ្នាំ ២០២២
ព័ត៌មានជាតិ
រាជធានីភ្នំពេញ ៖
ឯកឧត្តមបណ្ឌិត ហ៊ុន ម៉ាណែត ដែលជាថ្នាក់ដឹកនាំបន្ដវេនប្រកបដោយសក្ដានុពល និងស្មារតីទទួលខុសត្រូវខ្ពស់នោះ បានលើកឡើងថា ដើម្បីខ្មែរមានឯករាជ្យ និងម្ចាស់ការខ្លួនឯង មិនអាចឲ្យបរទេសមកជ្រៀតជ្រែកកិច្ចការផ្ទៃក្នុងបាននោះ ខ្មែរត្រូវតែរឹងមាំ ត្រូវតែខ្លាំង និងមានការឯកភាពជាតិតែម្ដង។
តាមរយៈវីដេអូខ្លីមួយដែលបង្ហោះនៅលើFacebook នៅថ្ងៃទី១៥ ខែកក្កដា ឆ្នាំ២០២២នេះ លោកបណ្ឌិត ហ៊ុន ម៉ាណែត បានអះអាងថា សង្គ្រាមផ្ទៃក្នុងដែលធ្លាប់ការកើតមាន គឺបណ្ដាលមកពី លន់ នល់ ធ្វើរដ្ឋប្រហារឲ្យខ្មែរបែកបាក់ជាពីរ ដូច្នេះហើយបានជាគោលនយោបាយរបស់គណបក្សប្រជាជនកម្ពុជា បានបញ្ជាក់ច្បាស់ថា ខ្មែរត្រូវតែរឹងមាំ ត្រូវតែខ្លាំង។
ឯកឧត្តបណ្ឌិត ហ៊ុន ម៉ាណែត បន្ដទៀតថា ការស្នេហាជាតិ និងស្រលាញ់ខ្មែរពិតប្រាកដមិនមែនស្ថិតត្រឹមតែលើមាត់និយាយនោះទេ ពោលត្រូវតែរួបរួមគ្នា ពង្រឹងនូវការសាមគ្គីភាព និងពង្រឹងសេដ្ឋកិច្ចជាតិ មិនមែនទៅហៅបរទេសឲ្យមកបំផ្លាញខ្មែរនោះទេ។ ហើយក៏មិនមែនស្រលាញ់ខ្មែរ ដើម្បីតែខ្លួនឯងត្រូវការអំណាចនោះទេ។
ឯកឧត្តមបញ្ជាក់ថា សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានយកជីវិតធ្វើដើមទុន តស៊ូរំដោះជាតិចេញពីភ្លើងសង្គ្រាមរ៉ាំរ៉ៃ តាំងពីសម្ដេចមិនទាន់មានអំណាចមកម្ល៉េះ។ឯកឧត្តមបណ្ឌិត ហ៊ុន ម៉ាណែត បានថ្លែងយ៉ាងដូច្នេះថា «ម្ចាស់ការ រឹងមាំខ្លួនឯង ហើយឯកភាពជាតិ ខ្មែរត្រូវស្រលាញ់ខ្មែរ ខ្មែរត្រូវជួយគ្នា ខ្មែរត្រូវពង្រឹងនូវកូនខ្មែរ សេដ្ឋកិច្ចខ្មែរ មិនត្រូវទៅបរទេសមកបំផ្លាញខ្មែរទេ ត្រូវយកមិត្តភ័ក្រជួយយើងពង្រឹងយើង នេះបានគេហៅថាស្រលាញ់ខ្មែរមែន។ ខ្មែរស្រលាញ់ខ្មែរ មិនមែនស្រលាញ់តែមាត់នោះទេ មិនមែនស្រលាញ់អំណាចខ្លួនឯង ស្រលាញ់ខ្មែរនៅពេលដែលខ្លួនឯងបានអំណាចនោះទេ សម្ដេចមិនទាន់មានអំណាចទេ នៅពេលដែលគាត់ចេញច្បាំងតស៊ូ»។ជាមួយគ្នានេះ ឯកឧត្តមក៏បានរំលឹកអំពី គោលនយោបាយរបស់សម្ដេចតេជោ ហ៊ុន សែន ផងដែរ ដែលបានធ្វើឲ្យខ្មែរក្រហមទម្លាក់អាវុធចុះរួបរួមគ្នា ដើម្បីបញ្ចប់សង្គ្រាម គ្រាដែលបរទេសធ្លាប់ចំណាយលុយរាប់ពាន់លាន ប៉ុន្ដែមិនទទួលបានជោគជ័យ បើគ្មានមិនមានការឯកភាពគ្នា៕
ដោយះ គេហទំព័រ បារមីមានរិទ្ទិ លោកយាយយ៉ាត
https://www.bmy-news.com/
