មហាយក្ស ពីរដែលកំពុង ចោទគ្នាទៅវិញទៅមក រឿង មេរោគកូវីដ១៩ អីលូវ សហរដ្ឋអាមេរិក បានលោតឡើងខ្ពស់ ក្នុងតារាងលេខរៀងទី១ ពីលើប្រទេសអ៉ីតាលី !!!!!
ដោយះ លោក ភួង មុនីរដ្ឋ
ចេញផ្សាយថ្ងៃ សៅរ៍ ៥កើត ខែចេត្រ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី ២៨ ខែ មីនាឆ្នាំ ២០២០
ព័ត៌មានអន្តរជាតិ
រដ្ឋធានីវ៉ាស៊ីនតោន:
បើយោងតាម worldometer តារាងនៃការឆ្លងមេរោគ កូវីដ១៩ សហរដ្ឋអាមេរិកបានលោតឡើងដល់លំដាប់លេខ១ ប្រទេសអ៉ីតាលីលំដាប់លេខរៀងលេខ២ ប្រទេសចិនលំដាប់លេខរៀងលេខ៣ ហើយនៅទីក្រុងញ៉ូវយ៉ក សហរដ្ឋអាមេរិក ត្រូវបានគេឃើញមានត្រៀមរថយន្តក្លាសសេសព ជាច្រើនគ្រឿងដែលអាជ្ញាធរបានត្រៀម សម្រាប់ក្លាសសេសាកសព ដែលស្លាប់ដោយសារ មេរោគកូវីដ ១៩ ។ ពេលនេះនៅសហរដ្ឋអាមេរិក កំពុងកើនឡើងអ្នកស្លាប់ដោយសារ មេរោគកូវីដ១៩ ខ្លាំងជាងប្រទេសណាៗ
ទាំងអស់នៅលើពិភពលោក ដែលធ្វើអោយ លោក ដូណាលើ ត្រាំ ប្រធានាធិបតីសហរដ្ឋអាមេរិក ជួបនូវការលំបាក ក្នុងយុទ្ទសាស្ត្រ ក្នុងការទប់ទល់ទៅនឹង ការរាលដាលយ៉ាងឆាប់រហ័ស នៃមេរោគកូវីដ១៩ដែលបណ្ដាលអោយប្រជាពលរដ្ឋ ស្លាប់ដោយសារមេរោគកូវីដ១៩ ឈានមុខគេ នៅក្នុងតារាងរបស់worldometer ។
នៅករណីដែលសហរដ្ឋអាមេរិក ឈានឡើងតារាងលេខ១ គឺចំពេលខណៈដែលពិភពលោកទាំងមូល កំពុងមានការព្រួយបារម្ភខ្លាំង អំពីការឆ្លងរាលដាលនៃមេរោគកូរ៉ូណាថ្មី សហរដ្ឋអាមេរិក ហើយនិងចិន ក៏កំពុងចោទគ្នាទៅវិញទៅមកដែរ ថាជាចំណុចផ្តើមនៃជំងឺផ្លូវដង្ហើមនេះ។ ភាគីចិន បានចេញមុខតវ៉ា និងវាយបកទៅកាន់អាមេរិកយ៉ាងខ្លាំង ជាពិសេសនៅប៉ុន្មានថ្ងៃចុងក្រោយនេះ។ជម្លោះក្នុងការចោទប្រកាន់គ្នាទៅវិញទៅមកនេះផ្ទុះឡើងខ្លាំង នៅពេលដែលចិនកើតទុក្ខមិនសុខចិត្តក្នុងការដែលខ្លួនហាក់ត្រូវបានអាមេរិក ស្តីបន្ទោសថាជាដើមចមធ្វើឲ្យមានការរីករាលដាលមេរោគកូរ៉ូណាថ្មី-កូវីដ១៩ នៅពាសពេញពិភពលោក។
ដោយសារតែ មិនអាចទទួលយកពាក្យសម្តីទាំងនោះ ចិនបានចេញមុខមកបដិសេធថា ទីក្រុងវូហានរបស់ខ្លួនមិនមែនជាប្រភពដើមនៃជំងឺផ្លូវដង្ហើមថ្មីឡើយ។ អ្នកនាំពាក្យ របស់ក្រសួងការពារការបរទេសចិនលោកហ្ស៊ែវ លីជៀន បានសរសេរនៅលើបណ្តាញសង្គមធ្វីតធ័រកាលពីថ្ងៃព្រហស្បតិ៍ កន្លងមកនេះថា មេរោគកូរ៉ូណា ដែលផ្ទុះឡើងនៅទីក្រុងវូហាន អាចឆ្លងមុនគេចេញមកពីទាហានអាមេរិក ដែលស្នាក់នៅទីនោះទៅវិញទេ។ គួរកត់សម្គាល់ថា នៅមួយរយៈពេលចុងក្រោយនេះ អាមេរិក បានធ្វើឲ្យចិនខឹងសម្បាជាខ្លាំង ដោយសារតែថ្នាក់ដឹកនាំកំពូលៗរបស់អាមេរិក ប្រើប្រាស់ភាសានិយាយចំៗក្នុងន័យថា ចិនជាប្រភពចម្លងនៃមេរោគកូរ៉ូណាថ្មី។
ជាក់ស្តែង ប្រមុខការបរទេសអាមេរិក លោក ម៉ៃក៏ ប៉ុមប៉េអូ ធ្លាប់ហៅកូរ៉ណាវីរុស ថាជាវីរុសក្រុងវូហាន ខណៈដែលលោកប្រធានាធិបតីដូណាល់ ត្រាំ និងទីប្រឹក្សាសន្តិសុខជាតិអាមេរិក និយាយថាមេរោគកូរ៉ូណាថ្មីនេះមានប្រភពចេញពីប្រទេសចិន។រដ្ឋាភិបាលទីក្រុងប៉េកាំង បានទាត់ចោលនូវការលើកឡើងដូច្នោះ និងបានចាត់ទុកការលើកឡើងទាំងអស់របស់ថ្នាក់ដឹកនាំអាមេរិកថា អសីលធម៌ រើសអើង និងគ្មានភាពទទួលខុសត្រូវ។ បន្ថែមលើនេះ ចិនបានបដិសេធ នូវរាល់ការផ្សព្វផ្សាយព័ត៌មានទាំងឡាយណា ដែលថា ខ្លួនជាប្រភពដើមនៃជំងឺផ្លូវដង្ហើមថ្មីកូវីដ-១៩ និងថាទាំងនោះ គឺជាព័ត៌មានមិនពិត គ្មានភស្តុតាងបញ្ជាក់បង្ហាញត្រឹមត្រូវ។
ទាក់ទងរឿងនេះ សាស្ត្រាចារ្យជំនាញខាងជំងឺឆ្លងម្នាក់ នៅមហាវិទ្យាល័យមួយ ក្នុងទីក្រុងឡុងដ៍គឺលោកស្រីក្រីស ដូននេលី បាននិយាយថា បើតាមការការសិក្សាវិភាគលើគំរូហ្សែន ដែលប្រមូលមកពីទូទាំងពិភពលោក ករណីឆ្លងនៃមេរោគនេះ មានប្រភពចេញពីចិន។តែទោះជាបែបនេះក្តី លោកស្រីបានលើកឡើងដែរថា គេមិនត្រូវស្តីបន្ទោសប្រទេសណាមួយនោះទេ ជុំវិញការផ្ទុះឡើងនៃមេរោគកូរ៉ូណាថ្មីនេះ៕
ដោយះ គេហទំព័រ បារមីមានរិទ្ធិ លោកយាយយ៉ាត
https://www.bmy-news.com/
